Մարտական Եղբայրություն միաբանության հայտարարությունը կուսակցություն ստեղծելու մասին

Օրերս տեղի ունեցավ Մարտական Եղբայրություն միաբանության քաղաքական խմբի հերթական հավաքը, որում, ի թիվս...

Օրերս տեղի ունեցավ Մարտական Եղբայրություն միաբանության քաղաքական խմբի հերթական հավաքը, որում, ի թիվս այլ հարցերի, քննարկվեց նաև կուսակցություն ձևավորելու հարցը: Նախորդիվ՝ տարվա սկզբին, Մարտական Եղբայրություն միաբանության անդամների լայն կազմով քննարկումներում ձայների մեծամասնությամբ որոշում էր ընդունվել ձևավորել առանձին կուսակցություն՝ որպես Միաբանության քաղաքական գործիք: ՄԵ Քաղաքական խմբի հավաքում ընդհանուր գծերով հաստատվեց կուսակցության ձևավորման ճանապարհային քարտեզը գաղափարախոսության, քաղաքական ծրագրի հարցերը, նաև իրավական, կազմակերպչական քայլերն ու ժամկետները: Ստեղծվելիք կուսակցության գաղափարախոսությունն ու քաղաքական նպատակները համընկնելու են Մարտական Եղբայրություն միաբանության գաղափարախոսության և քաղաքական նպատակների հետ, որոնք ձևակերպված են ՄԵ Կանոնագրքում, Հռչակագրում, Քաղաքական հարցարանում և այլ փաստաթղթերում ու հայտարարություններում: Ապագա կուսակցության քաղաքական ծրագրերը նույնպես արտացոլելու են Միաբանության Ծրագրերի խմբում մշակվող քաղաքական ծրագրերը, որոնց մի մասը շուտով կներկայացվի նաև հրապարակայնորեն: Այսպիսով, ստեղծվելիք կուսակցությունը լինելու է Մարտական Եղբայրություն միաբանության ցանցի մի մասը: Այդ ցանցի կենտրոնում շարունակելու են մնալ միաբանության և եղբայրության գաղափարները: Մեր հետագա ծրագրերին և քայլերին կարող եք ծանոթանալ մեր հրապարակումներից կամ՝ այցելելով մեր գրասենյակ:

Social