✍️ Մարտական Եղբայրություն միաբանության անդամ Սևան Ղազարյանը գրում է․

Նիկոլ Փաշինյանը Բաքվի բռնապետից այսօր խաղաղություն չի մուրում, այլ անձնական իշխանություն։ Գահավիժող ռեյտինգի պայմաններում Փաշինյանի քաղաքական ճակատագիրն իրականում Բաքվում է որոշվում։

«Խաղաղության համաձայնագիր» կոչվածը Բաքվի ռեժիմին հիմա բոլորովին էլ պետք չէ, բայց օդուջրի պես պետք է Փաշինյանի խորտակվող ռեժիմին՝ որպես արհեստական շնչառության միջոց։ ՆՓ կոչվող չարքի պոչը հիմա ամբողջովին Ալիևի ոտքի տակ է։

Առաջիկա ընտրություններում ՆՓ իրեն դիրքավորելու է որպես «խաղաղության աղավնի», իսկ մյուսներին՝ «պատերազմի հրձիգ»։ Նա իհարկե թքած ունի խաղաղության վրա։ Թքած չունենար՝ Հայաստանին անընդհատ չէր ներքաշի «սցենարով գնացած» պատերազմների մեջ։ Նրանից ավելի ագրեսիվ պատերազմի մունետիկ հայոց պատմության խունացած էջերում իսկ դժվար է գտնել։

Պատերազմով ու զոհերով հանձնելը ՆՓ-ի նախընտրած մարտավարությունն է, որն անպայմանորեն ուղեկցվում է հայ ժողովրդի նկատմամբ զարհուրելի ռազմական հանցագործություններով։ Հենց այդ ռազմական հանցագործությունների հետքերից է, որ ՆՓ-ն մաքրում է Բաքվի հայակեր ռեժիմի արյունոտ երախը՝ համաձայնելով լուծարել Մինսկի խումբն ու հրաժարվել միջազգային դատական հայցերից։ Փախարենը՝ ողորմելի մուրացիկի պես կախվել է Ալիևի փեշերից՝ նրանից կորզելու մի «խաղաղության համաձայնագիր», իսկ իրականում՝ Հայաստանում իշխելու մանդատ։

Եթե 2021թ. Փաշինյանը հայ ժողովրդից «երկաթե մանդատ էր խնդրում, ապա 2026 թ-ին ընդառաջ «խաղաղության մանդատ» է խնդրում Բաքվի ռեժիմից։ Սա պատմության մեջ չլսված դեպք է. պարտվող կողմը հաղթող կողմից սեփական պարտությունը արձանագրող փաստաթուղթ է խնդրում, բայց չի այդպես էլ չի ստանում։ Ահա ինչպիսի շրիշակի մակարդակի ձախողակ է ՆՓ-ն, որ կապիտուլյացիայի ենթարկեց Հայաստանի Հանրապետությունը, բայց նույնիսկ չի կարողանում կապիտուլյացիան արձանագրող փաստաթուղթ ստանալ։

Հանուն սեփական անձնիշխանության պահպանման ու կապիտուլյացիոն ռեժիմի վերարտադրության՝ ՆՓ-ն իհարկե պատրաստ է իջեցնել Հայաստանի բոլոր նշաձողերն ու ջնջել բոլոր կարմիր գծերը, իսկ Բաքվի ռեժիմը անընդհատ բարձրացնելու է «խաղաղության համաձայնագրի» գինը՝ լավ հասկանալով որ առանց քաղաքական իշխանության ՆՓ-ն հայտնվելու է կամ գետնի տակ կամ բանտում...